सिरहा, ३ फागुन । सिरहा प्रहरीले प्रतिवन्धित लागु औषध गाँजा सहित तीन जनालाई नियन्त्रणमा लिएको छ । जिल्ला प्रहरी कार्यालय सिरहा र इलाका प्रहरी कार्यालय गोलबजारको संयुक्त टोलिले गोलबजार नपा १ मुक्सारबाट २८ केजी गाँजा सहित तीन जनालाई नियन्त्रणमा लिएको हो ।
गाँजा खरिद विक्रि भईरहेको भन्ने विशेष सुचनाको आधारमा पुगेका प्रहरीले स्थानीय ३६ वर्षिय युवराज सिंह ठकुरी, २१ वर्षिय शत्रुधन साह र महेशपुरपतारी गाउँपालिका १ का ३२ वर्षिय दिपु साहलाई गाँजा सहित नियन्त्रणमा लिई आवश्यक अनुसन्धान गरिरहेको जिल्ला प्रहरी कार्याल्य सिरहाका सूचना अधिकारी सुवास बुढाथोकीले जानकारी दिए ।
उनीहरु गाँजा कारोवारी हुन सक्ने प्रहरीको भनाई रहेको छ ।
युवराज सिंह ठकुरीको घरबाट प्रहरीले गाँजा जोख्न प्रयोग गरिएको तराजु १ थान, प्रदेश नं. २–०१–००३ प. ५२१७ र स. ५ प. १०२० नम्वरको मोटरसाईल बरामद गरेको जनाएको छ । नियन्त्रणमा लिएका तिनै जनालाई लागु औषध मुद्दामा ७ दीनको म्याद थप गरी अनुसन्धान भईरहेको प्रहरीले जनाएको छ ।
