सप्तरी, ३ फागुन । सप्तरीको डाक्नेश्वरी नगरपालिका ९ मा सोमबार राति भएको ट्याक्टर दुर्घटना परि ट्याक्टरमा सवार एक जनाको मृत्यु भएको छ । दुर्घटनामा परि चालक सहित २ जना घाइते भएका छन् ।
गम्भीर घाइते भएका सप्तरीकै छिन्नमस्ता गाँउपालिका ३ का २७ वर्षीय सन्तोष सदाको उपचारका क्रममा राजविराज स्थित गजेन्द्र नारायण सिंह अस्पतालमा मृत्यु भएको हो ।
चालक सहित घाइते भएका अन्य २ जनाको सोही अस्पतालमा उपचार भइरहेको छ ।
स १ त ६१ ०८ नम्बरको रड लोड गरेको ट्याक्टर अनियन्त्रीत भएर दुर्घटना भएको प्रहरी चौकी पत्थरगाढा सप्तरीले जानकारी दिएको छ ।