सिरहा, २६ माघ । पूर्वपश्चिम राजमार्ग अन्तर्गत सिरहाको नरहा गापा ३ नयाँ चोहर्वा नजिक मोटरसाइकलको ठक्करबाट एक अपरिचित महिलाको मृत्यु भएको छ । पश्चिमबाट पूर्व तर्फ आउँदै गरेको स ५ प ३२२ नम्वरको मोटरसाइकबाट सोही दिशाबाट आईरहेको पैदलयात्री अन्दाजी ६०–६५ वर्षको देखिने महिलालाई ठक्कर दिदा मृत्यु भएको हो ।
मोटरसाइकलको ठक्करबाट बेहोस भएका महिलालाई स्थानीय स्वास्थ्य संस्थामा उपचारको लागि पुर्याइएपनि सम्भव नभएपछि थप उपचारको लागि पूर्व लादैंगर्दा बाटोमै मृत्यु भएको इलाका प्रहरी कार्यालय गोलबजारले जनाएको छ ।
प्रहरीले मोटरसाइकल र चाललाई नियन्त्रणमा लिएर घटनाबारे अनुसन्धान गरिरहेको जनाएको छ । शव पोष्टमार्टमको लागि लहानस्थित रामकुमार उमाप्रसाद स्मारक अस्पतालमा राखिएको छ ।
