गोलबजार मेयर गोल्डकप ः दोस्रो सेमीफाईनमा वीरगञ्ज युनाईटेड विजयी, प्रतिभा क्लव गोलबजार र वीरगञ्ज युनाईटेड फाईनल भिड्दै

सिरहा, २४ माघ । पाँचौ गोलबजार मेयर गोल्डकप २०७८ को फाईनल खेल वीरगञ्ज युनाईटेड पर्सा र गोलबजार प्रतिभा क्लवविच हुने भएको छ । नयाँ बस्ति युवा क्लव, काठमाडौं र वीरगञ्ज युनाईटेड पर्साविच सोमबार भएको दोस्रो सेमिफाईनल खेलमा विरगञ्ज सून्यको विरुद्ध एक गोलले विजयी भएपछि फाईनल प्रवेश गरेको हो ।
दुवै टिमवीच भएको प्रतिस्पर्धात्मक खेलमा वीरगञ्का लागि विवेक चौधरीले अन्तिम समयमा एक गोल गरेका थिए । सोही गोलले वीरञ्जलाई फाईनल प्रवेश गराएको हो । आजको खेलको म्यान अफ द म्याच वीरगञ्जका अनिस चौधरी घोषीत भएका छन् । इँटा उद्योग व्यवसायी संघका जिल्ला अध्यक्ष तथा केन्द्रीय सदस्य विक्रमशाले चौधरीलाई नगद पुरस्कार प्रदान गरे ।
पहिलो सेमिफाईनल खेल बेलगाछी फूटबल क्लव, ढल्केबर गौशाला महोत्तरीविच भएको थियो । सेमीफाईनल खेलमा ३ को विरुद्ध ४ गोल गर्दै गोलबजार फाईनल प्रवेश हो । मगरले ३ गोल गरेका थिए ।
फाईनल खेल २६ गते माघमा हुने आयोजकले जनाएको छ ।
प्रतियोगितामा प्रथम हुनेले २ लाख १५ हजार नगद र दोस्रो हुनेले १ लाख १५ हजार नगद पुरस्कार, प्रमाणपत्र र ट्रफिहरु प्राप्त गर्नेछन् ।