पाँचौ गोलबजार मेयर गोल्डकप ः दोस्रो क्वाटर फाईनलमा काठमाडौं विजयी

सिरहा, २२ माघ । पाँचौ गोलबजार मेयर गोल्डकप २०७८ को शनिवार भएको दोस्रो क्वाटर फाईनल खेलमा नयाँ बस्ति युवा क्लव, काठमाडौं विजयी भएको छ । श्रृजना सामूदायिक विकास केन्द्र गोलबजार ७ चोहर्वासँगको प्रतिस्पर्धा खेलअवधिमा ४–४ गोल गरी बराबरीमा टुङ्गीएपछि पेनाल्टी सुटआउटमा ७ को विरुद्ध ८ गोल गर्दै नयाँ वस्ती क्लव विजयी भएको हो ।
आजको खेलमा श्रृजना सामुदायिक विकास केन्द्रका ७ नम्वर जर्सिका खेलाडि एमी म्यानअफ द म्याच घोषणा भएको छ । उनलाई गोलबजार नगर शिक्षा शाखाका प्रमुख सुबोध लामाले पुरस्कार प्रदान गरेका थिए ।
भोलिको पहिलो सेमिफाईनल खेल बेलगाछी फूटबल क्लव गोशाला महोत्तरी र गोलबजार प्रतिभा क्लव, गोलबजारविच हुने आयोजकले जनकारी दिएको छ ।