पाँचौ मेयर गोल्डकप ः पहिलो क्वाटर फाईनलमा वीरगञ्ज विजयी

सिरहा, २१ माघ । पाँचौ गोलबजार मेयर गोल्डकप २०७८ अन्तर्गत शुक्रवार भएको प्रथम क्वाटर फाईनल खेलमा वीरगञ्ज युनाईटेड पर्सा विजयी भएको छ । वीएफसी चिनवन र वीरगञ्ज युनाईटेड पर्सा विच भएको खेलमा वीरगञ्ज ३ का विरुद्ध ५ गोलले विजयी भएको हो ।
गोलबजार नगरपालीकाको आयोजनामा गोलबजार खेलग्राममा भईरखेको प्रतियोगितामा वीरगञ्ज युनाईटेडका लागि १४ नम्वर जर्सीका खेलाडी कृपाकान्त चौधरीले खेलको २३, २५ र ३२ औं मिनटमा ३ गोल गरेका थिए । जर्सी नम्वर २५ का खेलाडी किशु चौधरी खेलको पहिलो मिनेटमै १ गोल र १० नम्वर जर्सीका खेलाडी विवेक चौधरी खेलको ४८ मिनटमा एक गोल गरेका थिए ।
वीएफसी चिनवन भरतपुरका लागि जर्सीनम्वर ११ रोशन रानामागर खेलको ७ औं मिनटमा १ गोल र जर्सिनम्वर १२ का खेलाडी राजु भुशालले ५० र ५९ औं मिनटमा २ गोल गरेका थिए ।
आजेको खेलको म्यान अफ द म्याच वीरगञ्ज युनाईटेडका १४ नम्वर जर्सीका खेलाडी कृपाकान्त चौधरी भएकाछन् । उनलाई एवी मलका पीन्टु राउतले सम्मान सहित नगद पुरस्कार प्रदान गरेका थिए ।
भोलिको खेल नयाँ बस्ती युवा क्लव, काठमाडौं र श्रृजना सामादायिक विकास केन्द्र गोलबजार ७ चोहर्वा विच हुने छ ।