सिरहा, २० माघ । पाँचौ गोलबजार मेयर गोल्डकप २०७८ अन्तर्गत विहिवार चौथो दिन गोलबजार प्रतिभा क्लव गोलबजर सिरहा र मनहरी फूटवल क्लव, हेटौडावीच भएको खेलमा प्रतिभा क्लव गोलबजार विजयी भएको छ ।
गोलबजार प्रतिभा क्लव गोलबजार र मनहरी फूटवल क्लव, हेटौडावीच बीच भएको प्रतिस्पर्धात्मक खेलमा गोलबजार सून्यको विरुद्ध ३ गोलले विजयी भएको हो ।
गोलबजार नगरपालीकाको आयोजनामा गोलबजार खेलग्राममा भईरखेको प्रतियोगितामा गोलबजार प्रतिभा क्लवका लागि १० नम्वर जर्सी लगाएका म्याक्सीयोलले २ गोल र १४ नम्वर जर्सी लगाएका खेलाडी म्याक्सले एक गोल गरेका थिए ।
आजको खेलको म्यानअफ द म्याच गोलबजारका म्याक्सीयोल घोषित भएको छ । उनलाई गोलबजार नपा २ का वडा अध्यक्ष लक्ष्मण साह र एवी मल गोलबजारका पिन्टु राउतले संयुक्त रुपमा तीन हजार नगद पुरस्कार हस्तान्तरण गरेका छन् ।
भोलिको पहिलो क्वाटर फाईनल खेल वीएफसी चिनवन र वीरगञ्ज युनाईटेड पर्सा विच हुने छ ।
