सिरहा, १३ माघ । सिरहाको गोलबजारमा पाँचौ गोलबजार मेयर गोल्डकप २०७८ यहि माघ १७ गतेबाट सुरुहुने भएको छ । गोलबजार नगरपालीकाको आयोजनामा गोलबजार खेलग्राममा हुन लागेको प्रतियोगितामा देशकाभरका १० वटा फुटवल क्लवहरुको सहभागीता रहने आयोजकले जनाएको छ ।
माघ १७ बट सुरुभई २६ गते १० दिनसम्म चल्ने नकाउट मेयर गोल्डकपमा बीएफसी, चितवन, श्री सलहेश युवा क्लव सिरहा, गोलबजार स्पोर्टस् क्लव गोलबजार सिरहा, वीरगञ्ज युनाइटेड पर्सा, नयाँ बस्ती युवा क्लव काठमाडौं, श्रीजना सामुदायिक विकास केन्द्र चोहर्वा सहभागी रहने छन् ।
त्यसैगरी बेलगाछी फूटपल क्लव गौशाला महोत्तरी, तालतलैया फूटवल एकेडेमी सुनसरी, गोलबार प्रतिभा क्लव सिरहा र मनहरी फूटवल क्लव हेटौडाले प्रतियोगितामा भागलिने गोलबजार शिक्षा तथा खेलकुद शाखाका खेलकुद प्रशिक्षक कसम लामाले जानकारी दिए ।
प्रतियोगितामा प्रथम पुरस्कार २ लाख १५ हजार नगद सहित ट्रफि दिइने बताइएको छ । त्यसैगरी दोस्रो हुनेलाई १ लाख १५ हजार नगद पुरस्कार, प्रमाणपत्र र ट्रफिहरु प्रदान गरिने छ ।
त्यसैगरी, खेलअवधिभरका सर्वोत्कृष्ट पुरस्कार १० हजार एकजनालाई, उत्कृष्ट खेलाडी, उदीयमान एक जना खेलाडीलाई नगद पुरस्कार ५ हजार १ सयका दरले प्रदान गरिने भएको छ ।
