सुरेश राय
सिरहा, १३ माघ । पूर्वपश्चिम राजमार्गको सिरहाको नगरहा गापा ३ चोहर्वामा विङ्गर र बोलेर पिकप एक आफसमा ठोकिंदा ६ जना घाइते भएका छन् । एकको अवस्था गम्भिर रहको छ । पश्चिमकाबाट पूर्वतर्फ आईरहेको स. १ च १७३८ नम्वरको बोलेरो पिकप र पूर्वबाट पश्चिमतर्फ गईरहेको नम्वर नलेखिएको नयाँ विङ्गर एक आपसमा ठोकिंदा ६ जना घाईते भएका हुन् ।
घाइतेमध्येय धनुषाको सवैला नगरपालिका टोकीका ३५ वर्षिय रामसोभित धामी गम्भिर घाइते भएको छ । उनलाई स्थानीय स्वास्थ्यसंस्थामा उपचार नहुन सकेपछि थप उपचारको लागि विराटनगर लगिएको छ ।
घाइतेमध्ये नरहा गापा ३ का मोहम्मद जमाल, औरही गापा २ तुलसीपुरका १४ वर्षिय राधिका यादव र ३५ वर्षिय सरिता यादवसहित पाँच जनाको रोजी मेडिकलहल चोहर्वामा उपचार भईरहेको छ ।
दुवै गाडी र चालक प्रहरी नियन्त्रणमा आवश्यक अनुसन्धान गरिहेको इलाका प्रहरी कार्यालय गोलबजारका प्रमुख इन्सपेक्टर सन्तोष राईले जानकारी दिए ।
