फाईल फोटो ।
सिरहा, २ माघ । गोलबजार नपा ६ डोहटियाबाट पेस्तोल सहित एक युवक फेला परेको छ । विशेष सुराकीको आधरमा इलाका प्रहरी कार्यालय गोलबजारले स्थानीय २७ वर्षिय पङ्कज कुमार महतोलाई म्यागेजिन नभएको एक थान पेस्तोल सहित पक्राउ गरेको हो ।
महतोले आफ्नै घरमा हातहतियार लुकाई राखेको भन्ने खबर प्राप्त हुनासाथ पुगेका प्रहरीले हतियार सहित महतोलाई नियन्त्रणमा लिएको जिल्ला प्रहरी कार्यालय सिरहाका सूचना अधिकारी सुवास बुढाथोकीले जानकारी दिए ।
यस सम्बन्धमा प्रहरीले थप अनुसन्धान गरिरहेको जनाएको छ ।
