वीरगञ्ज, २९ पुष । जिल्ला प्रहरी कार्यालय पर्साले १० केजी लागु औषध चरेशसहित १ जना महिलालाई पक्राउ गरेको छ । वीरगञ्ज महानगर पालिका १६ शंकराचार्य गेटमा प्रहरी चौकी ईनर्वाबाट खटिएको टोलीले नियमित चेकजाँचको क्रममाउक्त परिमाण बराबरको चरेश बरामद गरेको हो ।
शंकास्पद अवस्थामा रक्सौलतर्फ पैदलजाँदै गरेकी रौतहटको परोवा नगरपालिका ९ बंकुल टोल निवासी ४२ वर्षीय रञ्जु देवीलाई प्रहरीले पक्राउ गरेको हो । देवीले ढाड, खुट्टामा पहेलो रंगको कपडाको डोरीले बाँधी अड्कार ज्याकेटको दुवैतर्फको खल्तीमा लुकाएको अवस्थामा चरेश फेला परेको हो ।
बरामदलागु औषध सहित महिलालाई नियन्त्रणमा लिई लागु औषध सम्बन्धी कसूरमा आवश्यक अनुसन्धान भइरहेको जिल्ल प्रहरी कार्यालय पर्साका प्रहरी प्रवक्ता एवम् प्रहरी नायब उपरीक्षक ओमप्रकाश खनालले जानकारी दिए ।
