फाईल फोटो ।
सप्तरी, १८ पुस । सप्तरीको कञ्चनपुर–फतेपुर सडक खण्ड अन्तर्गत सप्तकोशी नगरपालिका४ तुलसीटोलमा दुईवटा मोटरसाइकल एक आपसमा ठोक्किदा दुई जनाको मृत्यु भएको छ । चार जना घाइते भएका छन् ।
स.५प ३११८ र को. २२ प १५५८ नम्बरको मोटरसाइकल एक आपसमा ठक्कर खाँखा दुबै दुवै मोटरसाइकल चालकको मृत्यु भएको हो ।
दुर्घटनामा परी घाइते भएका स.५प ३११८ नम्बरको मोटरसाइकल चालक कञ्चनरुप नगरपालिका ७ का सुभास बस्नेत र को. २२ प १५५८ नम्बरको मोटरसाइकल चालक उदयपुरको चौदण्डीगढी नगरपालिका ९ भिमा टोलका २८ वर्षीय हरिशंकर चौधरीको उपचारको क्रममा मृत्यु भएकोे सप्तरी प्रहरीका प्रवक्ता डीएसपी माधवप्रसाद काफ्लेले जानकारी दिए ।
दुर्घटनामा मृतक बस्नेतकी पत्नी ममता सापकोटा, उनका ८ वर्षीय छोरा सम्मर बस्नेत, एक वर्षीया छोरी सिम्रिका बस्नेत घाइते भएका छन् ।
चौधरीको मोटरसाइकलमा सवार सप्तरीको सप्तकोशी नगरपालिका ९ का ३५ वर्षीय रोहित चौधरी पनि घाइते भएको र उनीहरुको स्थानीय स्तरमा उपचार भइरहेको प्रहरीले जनाएको छ ।
दुर्घटनामा परेका दुवै मोटरसाइकल नियन्त्रणमा लिएको र दुर्घघटनाबारे थप अनुसन्धान भइरहेको प्रहरीको भनाइ छ ।
