पाल्पा, १८ पुस । पाल्पामा मलामी सवार बस दुर्घटनामा आठ जनाको मृत्यु भएको छ । बुटवलदेखि मलामी बोकेर रिडी हिँडेको लु १ ख ७२७९ नम्बरको बस पाल्पाको रिब्दीकोट गाउँपालिकास्थित लघुवामा दुर्घटना हुँदा आठ जनाको मृत्यु भएको हो ।
आईतबार विहान साढे १० बजे भएको दुर्घटनामा परि मृत्यु भएकाहरुको अझै पहिचान नखुलेको पाल्पाका प्रमुख जिल्ला अधिकारी जगन्नाथ पन्थले जानकारी दिए ।
दुर्घटनामा ७ जना गम्भीर घाइते भएका छन् । उनीहरुको तानसेनमा उपचार भइरहेको छ । बसमा ३५ जना मलामी रहेको प्रहरीले जनाएको छ ।
