सिरहा, १५ पुस । राजदेवी युवा क्लब गोलबजार ३ को आयोजनामा सञ्चालित प्रथम गोलबजार गोल्ड कपको आज भएको उद्घाटन खेलमा आयो गोर्खाली क्लब बर्दिवास महोत्तरी विजयी भएको छ । प्रतिभा क्लब गोलबजार र आयो गोर्खाली बर्दिवास क्लब बिच भएको प्रतिस्पर्धात्मक खेलमा बर्दिवास २ को विरुद्ध ३ गोलले विजयी भएको हो ।
प्रथम हापमा २ गोल गरेका गोलबजारलाई उछिन्दै बर्दिवास ३ गोल गर्दै विजयी भएको आयोजकले जनाएको छ ।
आजबाट सुरु भएको फूटवल टुर्नामेन्टमा ८ टिम सहभागी रहेने आयोजकले जनाएको छ । भोलीको खेल गोलबजार स्पोटर्स क्लव र उदयपुरको कटारी स्पोटर्स क्लवविच हुने क्लवका अध्यक्ष सूर्यनारायण साहले जानकारी दिए ।
खेलको उद्घाटन गर्दै गोलबजार नगरपालिकाका प्रमुख देवनाथ साहले यस्ता खालका प्रतियोगिताहरुले युवापुस्तालाई सहि बाटोमा डोर्याउने बताए । उनले यहि खेलहरुबाटै प्रदेश तथा राष्ट्रिय खेलाडीहरुको उत्पादन हुने जनाए ।
प्रतियोगितामा प्रथम समूहलाई ५१ ह्जार र दोस्रो हुने टिमलाई ३१ हजार नगद र ट्रफि प्रदान गरिने जनाएको छ । प्रतियोगिताको सह–प्रायोजन भुमिजा हस्पिटल एण्ड टेक्निकल डेभलपमेन्ट सेन्टर गोलबजारले गरेको छ ।
