जनकपुर, ८ मंसिर । धनुषामा विङ्गरबाट झरेर एक छात्राको मृत्यु भएको छ । धारापानी बहुमुखी क्याम्पसमा अध्ययनरत धनुषाधाम नगरपालिका ७ भगवानपुरी १८ वर्षिय पूजाकुमार महतोको कलेजबाट ढल्केबरतर्फ जानेक्रममा ना १ ज ७०४९ नम्बरको विङ्गरबाट खसेर मृत्यु भएको हो ।
गाडिबाट खसेर टाउकोमा गम्भिर चोट लागेको पूजाको घटनास्थलमै मृत्यू भएको इलाका प्रहरी कार्यालय ढल्केबरका प्रहरी निरीक्षश प्रदीप सुवेदीले जानकारी दिए ।
मृतक पूजा बीबीएस पहिलो वर्षमा अध्ययनरत थिइन् । उनको शव पोष्टमार्टमका लागि जनकपुरस्थित प्रादेशिक अस्पतालमा पठाइएको छ । दुर्घटनापछि गाडी र चालकलाई इलाका प्रहरी कार्यालय ढल्केबरले नियन्त्रणमा लिएको जनाएको छ ।
