रौतहट, २७ कात्तिक । रौतहटमा भारतीय कार दुर्घटना हुँदा चार जनाको मृत्यु भएको छ । जिल्लाको यमुनामाई गाउँपालिका ५ जुनखुनुवामा शनिबार राति युके १२ सी २९०० नम्बरको भारतीय कार दुर्घटना हुँदा चार जना पुरुषको मृत्यु भएको हो ।
कार दुर्घटनामा भएको सूचना पाउनसाथ प्रहरीले उद्धार गरेर चारैजनालाई अस्पताल पुर्याएपनि अस्पतालले उनीहरुलाई मृत घोषणा गरेको रौतहट प्रहरीका सूचना अधिकारी डीएसपी नारायणप्रसाद चिमोरियाले जानकारी दिए । उनीहरु सवैलाई कारको सिसा फोडेर बाहिर निकालेर अस्पताल पु¥याइएको थियो ।
मृत्यु हुनेहरू मध्ये दुई जना भारतको बिहार बखरी बेतौना भन्ने गाउँका अरुन साह र दिनानाथ साह रहेका छन् भने अन्य दुई जनाको सनाखत भएको छैन । घटनाबारे थप अनुसन्धान भईरहेको प्रहरीले जनाएको छ ।
