सप्तरी, ८ कात्तिक । सप्तरीको बोदेवर्साइन नगरपालिकाले आयोजनामा सम्पन्न तेस्रो मेयर गोल्डकपको उपाधि गोलबजार स्पोर्टस क्लव, सिरहाले उचालेको छ । गोलबजार र सीडीएफ स्पोर्टस क्लव जनकपुरविच भएको खेलमा गोलबजार १ को विरुद्ध २ गोलले विजयी भएको हो ।
विजयी टीमलाई ५५ हजार नगद, ट्रफि र प्रमाणपत्र प्रदान गरिएको आयोजनकले जनाएको छ । फाईनल खेलमा गोलजबरका लागि विनु आले मगर र सनम थापले गोल गरेका थिए ।
आयोजकले खेलवधिका उत्कृष्ट गोलरक्षक गोलबजारका निश्चल लामा, उत्कृष्ट खेलाडी विश्वास राई, उत्कृष्ट फरवार्ड रोहन जोसी घोषित गरेका थिए । उनीहरु सवैलाई चाँदिको एक–एक तोलाको चाँदीको सिक्का सहित प्रमाणपत्र प्रदान गरिएको थियो । गोल्डकपमा ८ वटा टिम सहभागी रहेको थियो ।
