सिरहा, २५ असोज । धनगढीमाई नगरपालिकाका प्रमुख हरिनारायण चौधरीले यो अनलाईन श्रमजीवी उत्पीडितहरुको आवाज बन्न सकोस भन्ने कामना गरेका छ । जय गणेश मिडिया प्रा.लि. सिरहा धनगढीमाई नपा १० द्वारा सञ्चालित पूर्वाञ्चल एक्सप्रेस अनलाईन न्यूजको विधिवतरुपमा उद्घाटन गर्दै मेयर चौधरीले समाज परिवर्तनमा सञ्चार जगतको महत्वपूर्ण योगदान रहेको भन्दै गरिखाने वर्गको आवाज बोल्नुपर्ने बताए ।
कार्यालय तथा अनलाई उद्घाटन गर्नुहुँदै नगरप्रमुख चौधरीले देश र जनतालाई केन्द्रमा राखी आवाज विहीनहरुको आवाजलाई बाहिर ल्याउन अनलाईनले अग्रणि भूमिका खेल्ने अपेक्षा गर्दै प्रगति शुभकामना समेत गर्नुभएको छ ।
जय गणेश मिडिया प्रा.लि. का लागि प्रबन्ध निर्देशक सन्तोष साह र हिरालाल चौधरीको सम्पादकत्वमा विगत ३ वर्षदेखि सञ्चालनमा रहेपनि आजबाट विधिवत सुरुवात भएको जनाएको छ ।
