- सुरेश राय
सिरहा, २१ असोज । हिन्दू नेपालीहरुको महान पर्व वडा दशैं आजबाट शुरु भएको छ । बडा दशैंको पहिलो दिन आज बैधिक सनातन धर्मावलम्बीले घरघरमा दियो, कलश र गणेश स्थापना गरी विशेष पूजासहित घटस्थापना गर्दैछन् ।
घटस्थापनाको समय आज बिहान ११ बजेर ४६ मिनेटमा शुभ रहेको नेपाल पञ्चाङ्ग निर्णायक समितिले जनाएको छ । घटस्थापनाका दिन चित्रा नक्षत्र र वैधृति योग परेकाले ११ बजेर ४६ मिनेट अघि चित्रा नक्षत्र र वैधृति योगको शान्ति गरेर घटस्थापना गर्नुपर्ने समितिले जनाएको छ ।
शुद्ध माटो तथा गोबरले घर शुद्ध बनाएर शास्त्रीय विधि अनुसार शुभ मुर्हतमा घटस्थापना गरी घडाको नजिक सप्तधान्य बीक्षारोपण गरी नौ दिनसम्म विभिन्न नामले शक्तिको पूजा आराधना गरिन्छ । दशैं आश्विन शुक्ल देखि दशमीका दिनसम्म मनाउने गरिन्छ । विशेष गरेर महाकाली, महालक्ष्मी र महासरस्वतीको आराधना यस पर्वमा गरिन्छ ।
देशैभरीका दुर्गा मन्दिरमा विहानै देखि भक्तजनहरुको भिड लाग्ने गरेको छ । सिरहाको गोलबजार, मिर्चैया,चोहर्वा ,कल्यानपुर, लाहन लगायत दुर्गा मन्दिरहरुमा सयौंको संख्यामा महिलहरुले कलशयात्रा गरेका छन् ।
