गमक पोष्ट समाचारदाता / रौतहट, १६ असोज । स्थित पूर्व–पश्चिम राजमार्गअन्तर्गत रौतहटको चन्द्रपुर नगरपालिका २ चाँदी–वाग्मती खण्डमा भारतीय मालवाहक ट्रकको ठक्करबाट एक विद्यार्थीको मृत्यु भएको छ । शुक्रबार राति ९ बजे चाँदीपुलनजिक पूर्वबाट आउँदै गरेको यूपी ३५ एटी ४२७३ नम्बरको भारतीय मालवाहक ट्रकले ना ३५ प १८९३ नम्बरको मोटरसाइकललाई टक्कर दिंदा मोटरसाइकलमा सवार चन्द्रपुर २ जुडिबेलाका ३७ वर्षीय सोनालाल चौधरीको मृत्यु भएको हो ।
तत्कालै उपचारका लागि स्थानीय स्वस्थ्य संस्थामा लगिएकोमा चौधरीको मृत्यु भएको इलाका प्रहरी चन्द्रनिगाहपुरले जनायो । टक्कर दिएका ट्रक र चालक प्रहरी नियन्त्रणमा रहेको छ ।
ठक्कर दिएलगत्तै ट्रक सहित चालक भागेको इलाकाका डीएसपी लीलाराज लामिछानेले बताए । ‘हामीले पिछा गरेर ट्रक बाराको निजगढ बजारबाट नियन्त्रणमा लिएका हौँ,’ उनले भने, ‘घटनाको अनुसन्धान हुँदैछ ।’
मृतक चौधरी कांग्रेसका स्थानीय युवा नेता र विभिन्न सामाजिक संघ संस्थासँग आबद्ध पनि थिए ।
