फाईल फोटो ।
गमक पोष्ट समाचारदाता काठमाडौ, ११ असोज । काठमाडौंबाट विराटनगरका लागि उडेको बुद्ध एयरको जहजाह अवतरण हुन नसकेपछि पुनः काठमाडौं फर्किएर त्रिभुवन विमानस्थलमा सफल अवतरण भएको छ । अवतरण गर्न लाग्दा जहाजमा समस्या देखिएपछि झण्डै दुई घण्टासम्म आकाशमा घुमेका जहाजलाई आकस्मिक अवतरण गराइएको हो ।
जहाज सामान्य अवतरण भएको र चालक दलका सदस्य तथा सबै यात्रुहरू सकुशल रहेको विमानस्थल कार्यालयले जनाएको छ ।
बिहान ८ बजेर ३० मिनेटमा विराटनगरका लागि उडेको जहाज ल्याण्डिङ गियरमा समस्या भएपछि काठमाडांै फर्किएको थियो ।
जहाजलाई प्राथमिकतामा राखेर सफलतापूर्वक अवतरण गराइएको त्रिभुवन विमानस्थल कार्यालयले जनाएको छ । अवतरण गर्नुअघि त्रिभुवन विमानस्थलमा दमकल, एम्बुलेन्स र उद्धारकर्मीहरुलाई तयारी अवस्थामा राखिएको थियो ।
