गमक पोष्ट समाचारदाता / सिरहा, १० असोज । पूर्वपश्चिम राजमार्ग अन्तर्गत सिरहाको गोलबजार नपा ३ गागनखोलामा ट्रकले मोटर साइकललाई ठक्कर दिंदा दुई युवकको मृत्यु भएको छ । पश्चिमबाट पूर्वतर्फ गईरहेको ना ६ ख १३१ नम्वरको ट्रकले सोही दिशातर्फ जाँदैगरेको स. ७ प ९१८५ नम्वरको मोटर साइकललाई ठक्कर दिंदा मोटर साइकलमा सवार सप्तरीको कञ्जनरुप नगरपालीका ७ का ३० वर्षिय अभिशेक कटुवाल र ३५ वर्षि अच्युत लुईटेलको मृत्यु भएको हो ।
ट्रकको ठक्करबाट घाइते कटुवालको उपचारको क्रममा लहानमा र लुईटेको थप उपचारको लागि विराटनगरमा मृत्यु भएको इलाका प्रहरी कार्यालय गोलबजारका प्रमुख इन्सपेक्टर सन्तोष राईले जानकारी दिए । घटनाबारे थप अनुन्धान भईरहेको छ । ट्रक र चालक प्रहरी नियन्त्रणमा रहेको छ ।
