गमक पोष्ट समाचारदाता / सिरहा, ४ असोज । सिरहा प्रहरीले प्रतिवन्धित लागुऔषध गाँजा सहित एक युवकलाई नियन्त्रणमा लिएको छ । वडा प्रहरी कार्यालय सिरहाबाट खटिएको प्रहरी टोलिले सिरहा नपा ६ वसविट्टा चौकबाट धनुषाको सवैला नगरपालिका १३ तिरथपुका २६ वर्षिय शुभ कुमार महतोलाई सावा ५ केजी प्रतिवन्धित लागुऔषध गाँजा सहित पक्राउ गरेको हो ।
प्रहरीले चेकजाँचको क्रममा ज. ११ प १७४३ नम्वरको मोटर साइकलबाट प्रतिवन्धित लागुऔषध गाँजा र २ थान नाईट्रोभेट ट्यावलेट बरामद गरेको जिल्ला प्रहरी कार्यालय सिरहाका प्रवक्ता डिएसपी शुवास बुढाथोकीले जानकारी दिए । उनलाई जिल्ला प्रहरी कार्यालय सिरहामा राखि थप अनुसन्धान कार्य भईरहेको जनाएको छ ।