गमक पोष्ट समाचारदाता / जनकपुर, १ असोज । पूर्वपश्चिम राजमार्ग अन्तर्गत धनुषाको मिथिला नगरपालिका ६ ढल्केवरमा मोटरसाइकल दुर्घटनामा एक जनाको मउत्यु भएको छ भने एक जना घाइते भएका छन् ।
पूर्वबाट पश्चिमतर्फ जाँदै गरेको लु ७२ प ४७९२ नम्बरको मोटरसाइकल र विपरीत दिशाबाट आउँदै गरेको स ४ प ७९२६ नम्बरको मोटरसाइकल एकापसमा ठोक्किदा सिरहाको नगरहा गापाका ३० वर्षिय रुपेश यादवको घटनास्थलमै मृत्यु भएको हो ।
मृतक स ४ प ७९२६ नम्बरको मोटरसाइकलका चालक रहेको इलाका प्रहरी कार्यालय ढल्केवरका प्रहरी निरीक्षक प्रदीप सुवेदीले जानकारी दिए । उनका अनुसार लु ७२ प ४७९२ नम्बरको मोटरसाइकल चालक धनुषाको गणेशमान चारनाथ नगरपालिका ६ का ४६ वर्षीय मोहम्मद हासिम घाइते भएका छन् । उनको स्थानीय स्वास्थ्य संस्थामा उपचार भइरहेको छ ।
शव पोस्टमार्टमका लागि प्रादेशिक अस्पताल जनकपुरधाममा राखिएको प्रहरीले जनाएको छ ।
