गमक पोष्ट समाचारदाता / सिरहा, ७ भदौ । सिरहा प्रहरीले अवैध लागू पदार्थ ब्राउन सुगर सहित ४ जनालाई नियन्त्रणमा लिएको छ । सशस्त्र प्रहरी व्यसक्याम्प लहानबाट खटिएको टोलीले सिरहाको लहान ८ सिम्रिक होटलबाट दोल्खा जिल्ला भिमेश्वर नगरपालीका २ का २५ वर्षिय अर्जुन धामी, चरिकोट नगरपालिका ६ का २९ वर्षिय सुशान्त गुरुङ्ग, बैतेश्वर गाउँ पालिका १ का ३१ वर्षिय समिर मगर र बैतेश्वर गाउँ पालिका १ का ३२ वर्षिय सरोज लामालाई करिव ७ ग्राम १ सय ३० ब्राउनसुगर सहित नियन्त्रणमा लिएको हो ।
विशषे सूचनाको आधारमा होटल पुगेका सशस्त्र प्रहरी कोठा नं.४०२ मा बसेका उनीहरुले सिलिङ्ग पङ्खाको कभरमा लुकाई राखेको ठूलो र सानो २ वटा प्लाष्टिकको पोका पारेर राखेको अवस्थामा ब्राउन सुगर बरामद गरेको जनाएको छ ।
प्रहरीले उनीहरुले प्रयोग गरेको बा. ४ च १२६९ नम्बरको मारुती सुजुकी कार, विभिन्न ब्राण्डका मोवाईल ४ थान र १ थान ट्याब समेत नियन्त्रणमा लिएर ईलाका प्रहरी कार्यालय लहानलाई बुझाएको सशस्त्र प्रहरी बल ७ नम्बर गण सिरहाले बताएको छ ।
यता, जिल्ला प्रहरी कार्यालय सिरहाका सूचना अधिकारी सुवास बुढाथोकीले आजै जिल्ला अदालतबाट म्याद थप घरी घटनाबारे अनुसन्धान सुरुगरिने बताए ।
