गमक पोष्ट समाचारदाता / सर्लाही, ५ भदौ । प्रहरीले सर्लाहीबाट गोली लोड भएको कटुवा पेस्तोलसहित एक यूवकलाई नियन्त्रणमा लिएको छ । दाजसँग झगडा गरिरहेका बेला मलंगवा नगरपालिका ११ ठुलो पल्सीका ३० वर्षिय समसुद्धिन अन्सारीलाई गोलि लोडभएको कटुवा पेस्तोल सहित शनिवार अपरान्ह नियन्त्रणमा लिएको हो ।
समसुद्धिन र उनका दाजु ४५ वर्षिय गनी अंसारीबीच झगडा भएको जानकारी पाएर पुगेका प्रहरी टोलीले झगडा छुट्याउने क्रममा समसुद्धिनले कम्मरमा भिरेको अवस्थामा पेस्तोल भेटिएको जिल्ला प्रहरी कार्यालय सर्लाहीका सूचना अधिकारी डिएसपी माधव प्रसाद बुढाथोकीले जानकारी दिए ।
समसुद्धिनलाई नियन्त्रणमा लिएर उनीमाथि थप अनुसन्धान भईरहेको प्रहरीले जनाएको छ ।
