गमक पोष्ट समाचारदाता / वीरगञ्ज, २९ साउन । प्रहरीले पर्साको वीरगञ्जबाट अवैध हतियार सहित ३ जनालाई पक्राउ गरेको छ । जिल्ला प्रहरी कार्यालय पर्सा र प्रदेश प्रहरी जनकपुरबाट खटिएको टोलिले वीरगञ्ज महानगरपालिका १५ बाट विशेष सूचनाको आधारमा वीरगंज १२ का ३५ वर्षिय अनिल साह, सुनसरी धरान नगरपालिका १५ का ३२ वर्षिय रवि पौडेल र पर्साकै पकाहामैनपुर गाँउपालिका ७ का ४० वर्षिय विजय कुमार पटेललाई एक थान पेस्तोल सहित नियन्त्रणमा लिएको हो ।
प्रहरीले तीनजैजनासँग खाततलासी गरेपनि साहको साथबाट एक थान पेस्तोल फेला परेको जनाएको छ । पक्राउ परेका तीनैजनालाई जिल्ला प्रहरी कार्यालय पर्सामा राखि हात हतियार सम्बन्धी कसूरमा अनुसन्धान भईरहेको जनाएको छ ।
