गमक पोष्ट समाचारदाता वीरगञ्ज, २९ साउन । पर्सा प्रहरीले चोरीका ४ वटा मोटर साइकलसहित दुई युवकलाई पक्राउ गरेको छ । वीरगञ्ज महानगरपालिका ३० बस्ने २१ वर्षीय कृष्णा पटेल र २० वर्षीय आकाश यादवलाई चोरीको बा ४२ प ५२६३ नम्बरको कालो रंगको पल्सर, ना ११६ प ३३६७ नम्बरकोे हरियो रंगको पल्सर, ना १४ प ८४ नम्बरको प्यासन प्रो र ग १ प ७६९४ नम्बरको आर एक्स यामाहा मोटरसाइकल सहित प्रहरीले वीरगञ्जबाट पक्राउ गरेको हो ।
दुवै जनाको साथबाट चोरीको मोटरसाइकल बिक्री गर्ने उद्देश्यले लुकाई छिपाई राखेको अवस्थामा नियन्त्रणमा लिएको जिल्ला प्रहरी कार्यालय पर्साका सूचना अधिकारी डिएसपी ओम प्रकास खनालाले जानकारी दिए । पक्राउ परेका दुवैजनालाई प्रहरी हिरासतमा राखी थप अनुसन्धान भइरहेको जनाएको छ ।
