गमक पोष्ट समाचारदाता / सिरहा, २८ असार । सिरहा प्रहरीले इटालियन पेस्तोल सहित २ जनालाई नियन्त्रणमा लिएको छ । प्रदेश २ प्रहरी र इलाका प्रहरी कार्यालय मिर्चैयाको संयुक्त टोलिले गोलबजार नपा ९ बाट मिर्चैया नपा १० का २६ वर्षिय रामकुमार यादव र २२ वर्षिय रुपेश यादवलाई पक्राउ गरेको हो ।
प्रहरीले आँपको बगैचामा हतियार सहित बसेको भन्ने विशेष सूनाको आधारमा चेकजाँच गर्दा राम कुमार यादवको साथबाट मेड इन इलाली लेखिएको अटोमेटिक पेस्तोल एक थान, म्यागजिन एक थान र ट्याप ७७ लेखिएको २ राउण्ड गोली फेला परेको जिल्ला प्रहरी कार्यालय सिरहाका प्रवक्ता डिएसपी सुवास बुढाथोकीले जानकारी दिए । पक्राउ परेका दुवैजनालाई इलाका प्रहरी कार्यालय मिर्चैयामा राखि थप अनुसन्धान भईरहेको जनाएको छ ।
हिजो पनि प्रहरीले पूर्वपश्चिम राजमार्ग अन्तर्ग गोलबजार नपा ४ दुर्गामन्दिर नजीकबाट चेकजाँचको औरही गापा २ का सुजित कुमार यादवलाई एक थान कटुवा पेस्तोल र त्यसमा लाग्ने ३ राउण्ड गोली सहित नियन्त्रणमा लिएको थियो ।
