फाईल फोटा ।
गमक पोष्ट समाचारदाता / जनकपुर, २७ असार । ३९ दिन अघिदेखि हराईरहेकी महोत्तरीको लोहरपट्टी नगरपालिका–७ भमरपुराकी सुजिता ठाकुरको शव आज फेला परेको छ । गत जेष्ठ १९ गतेदेखि हराईरहेकी सुजिताको शव ससुरा पतिरामकै खेतमा निर्माणाधीन घ्को ट्वाइलेटको टङ्कीमा कुहिएको अवस्थामा फेला परेको हो ।
सुजिताको माइतीपक्षले शव पहिचान गरेपछि पोष्टमार्टमका लागि प्रादेशिक अस्पताल जनकपुर पठाइएको जिल्ला प्रहरी कार्यालय महोत्तरीका सूचना अधिकारी प्रकाश विष्टले जानकारी दिए ।
गएको असार १३ गते सुजिताका आफ्नै खेतमा चार फिट गहिरो खाँडल खन्दा कपाल, नुन, तन्ना र डोरी फेला पारेको थियो तर शव फेला परेको थिएन ।
सुजिताको गएको जेठ २० गते हत्या भएको हुनसक्ने अनुमान गरेको छ । महोत्तरी प्रहरीले सुजिताका श्रीमान र देवरलाई पक्राउ गरेको छ । सासू, ससुरा पतिराम र देवरानी रोमा फरार छन् । उनीहरुको पनि खोजी भइरहेको प्रहरीले जनाएको छ ।
