गमक पोष्ट समाचारदाता / बर्दिवास, १३ असार । महोत्तरीमा २३ दिनदेखि बेपत्ता सुजिता ठाकुरको शव आफ्नै खेतमा घाडिएको अवस्थामा भेटिएको छ । २३ दिनदेखि वेपत्ता लोहरपट्टी नपा ७ का मुकेश ठाकुरकी श्रीमती २६ वर्षीया सुजिता ठाकुरको शव उनकै खेतमा गाडेको अवस्थामा आइतबार दिउँसो फेला परेको हो ।
प्रहरीले खोजविनको क्रममा घरदेखि करिब एक किलोमिटर दूरीमा रहेको आफ्नै खेतमा गाडेको अवस्थामा शव फेला परेको बताएको छ ।
लामो समयदेखि बेपत्ता सुजिताको दाइजोकै कारणले परिवारले हत्या गरेर शव लुकाएको माईती पक्षले आरोप लगाउँदै आएको आएका थिए । श्रीमान् पक्षले भने सुजिता अर्कै केटासँग भागेको बताउने गरेका थिए । यस अघिपनि सुजितालाई श्रीमान सहित उनका परीवारले कुटपीट गर्ने गरेको बताइएको छ ।
