नेपाली चलचित्र ‘वीर विक्रम २’ हिन्दी आउँदै

 

 

काठमाडौं, ३ जेष्ठ । नेपाली चलचित्र ‘वीर विक्रम २’ को हिन्दी डबिङ चाडै सार्वजनिक हुने भएको छ । करिब दुई बर्ष अगाडि प्रदर्शनमा आएको फिल्म भारतमा रिलिजको लागि हिन्दीमा डबिङ गरिएको हो ।
कोभिड १९ का कारण भारतमा पनि फिल्म रिलिज माहोल नभएकोले अव फिल्म भारतीय यूट्युब च्यानलबाट सार्वजनिक हुने बताइएको छ ।
फिल्मका निर्देशक मिलन चाम्स हुन् । निर्देशक चाम्सले नै फिल्म हिन्दी डबिङ गरेर सार्वजनिक गर्न लागेको जानकारी दिए । ‘फिल्म हलमा नै प्रदर्शन गर्ने भनेर फिल्मको हिन्दी डबिङ गरेका थियौं । तर, कोरोनाको कारण सो सम्भव हुन सकेन । अब यूट्युबमै रिलिज गर्छाै’ निर्देशक चाम्सले भने ।