सुरेश राय
सिरहा, ३ माघ । धनगढीमाई नगरपालिकाको आयोजनामा सम्पन्न प्रथम धनगढीमाई मेयर कप क्रिकेट प्रतियोगितामा ११ नम्वर वडा विजयी भएका छन् । टस जितेर व्याटिङ रोजेका वडा नम्वर ११ ले १६ ओभरमा वाड नं. ८ लाई २ सय २४ को टागेैट दिएको थियो । खेलको अन्तिम समयसम्ममा वाड नं. ८ ले ६ विकेटमा १ सय १४ रनमात्र प्राप्त गरेपनि २ सय २३ रन सहित वार्ड नम्वर ११ विजयी भएको हो ।
फाइनल खेलमा ११ का कप्तान राकेश मण्डले सवैभन्दा बढी ४६ बलमा ८५ रन लिएका थिए । त्यसैगरी कुश मण्डडे ३१ ब्लमा ६९ रन लिएका थिए ।
विजयी टिमलाई मेयर हरिनारायण चौधरीद्वारा २५ हजार नगद सहित ट्रफि र प्रमाणपत्र प्रदान गरिएको थियो । दोस्रो हुने टिमलाई २० नगद, प्रमाणपत्र र ट्रफि प्रदान गरिएको आयोजकले जनाएको छ ।
धनगढीमाईस्थित निर्मल लामा कभर्ड हलको प्रांगणमा सम्पन्न प्रतियोगिताको समापन समारोहलाई सम्वोधन गर्दै मयेर चौधरीले खेल मानिसलाई अनुशासन, मित्रता र एकताको भावनामा समेट्ने माध्यम भएको भन्दै यसले राष्ट्रिय तथा अन्तराष्ट्रि पहिचान पनि दिलाउने बताए । उनले खेलाडीहरुलाई खेल पनि समाज सुधारको एउटा माध्यम बन्न सक्ने बताए । त्यसको लागि खेलाडीहरुले पनि आफूले कसको लागि र के का लागि खेल्ने भन्ने हेक्का राख्नुपर्ने बताए ।
प्रतियोगितामा १४ वटा वडा रहेको नगरक्षेभित्रका १२ वटा टिमको सहभागिता रहेको थियो ।
