संजय विश्वकर्मा
लहान ५, मंसिर । सिरहाको सखुवानन्कारकट्टी गाउँपालिका वडा नम्बर – ३ मा कार्तिक २५ गते देखि सुरु भएको फुटवल खेलकुद प्रतियोगिता हिजो विधिवत रुपमा सम्पन्न भएको छ । मंगलवार भएको फाईनल खेलमा पकाडियागढ युवा फुटवल टिम लहान नगरपालिका ( १८ अमही दुई गोलले विजय भएको छ ।
वलान युवा फुटवल टिम सखुवान्नकारकाट्टी ( ४ सिमराहा र अमही टिम बिच भएको खेलमा सिमराहा टिम शुन्य गोलको अन्तरले पराजित भएको नेपाली काङ्ग्रेसका युवा नेता एवम समाजसेवी गोपालकृष्ण यादवले जनकारी दिनुभयो । खेलमा पहिलो गोल गरेर अमही टिमका जर्सी नम्बर ८ का राकेश सिंह म्यान अफ द म्याच घोषित भएका थिए । उनले थप नगद रु १ हजार ५१ , प्रमाणपत्र र मेडल पाएका थिए ।
नेपाली काङ्गेसका बर्तमान सिरहा जिल्ला सभापती एवम पुर्व सभासद रामचन्द्र यादवको प्रमुख आतिथ्यमा प्रतियोगिताको समापन भएको आयोजकले जनाएको छ ।वलान युवा फुटवल क्लव सखुवानन्कारकट्टी( ४ सिमराहा र श्री राजदेवी युवा क्लव सखुवानन्कारकट्टी – ३ पोर्ताहाले आयोजना गरेको खेलमा नेपाली काङ्ग्रेस सखुवानन्कारकट्टी सिरहाले प्रायोजक गरेको थियो ।
आठ वटा टिमको सहभागिता रहेको प्रतियोगिताको राशी प्रथम पुरस्कार नगद रु २१ हजार र द्धितिय पुरस्कार १२ हजार, सिल्ड, प्रमाणपत्र , मेडल रहेको थियो ।
स्थानीय युवा लगायत नेपाली काङ्ग्रेसका युवा नेता गोपालकृष्ण यादवको विशेष पहलमा खेल आयोजना भएको जनाईएको छ ।
शुभदिपावली छठ पर्वको अवसरमा संचालित खेलमा नेपाली काङ्ग्रेसका महासमिती सदस्य सुर्यनारायण यादव , ने ।का।का तपेश्वर महतो , मो हमिद राईन , सरोज कुमार महतो लगायत नेपाली काङ्ग्रेसका नेता तथा कार्यकर्ताको बिशेष उपस्थितिमा प्रतियोगिताको समापन भएको जनाईएको छ ।
