गामक पोष्ट समाचारदाता
सिरहा, २० असोज । सिरहाको भित्री सडक अन्तर्गत सखुवानन्कारकट्टी गापा ५ महेशवारीमा अटो रिक्सा एक आपसमा ठोकिदा एक युवतिको मृत्यु भएको छ भने, तीन जना घाइते भएका छन् । दक्षिणबाट उत्तरतर्फ गईरहेको स. १ ह ३३२० नम्वरको अटो रिक्सा विपरित दिशाबाट आईरहेको अनटेष्ट रिकसा एक आपसमा ठोकिदा स. १ ह ३३२० नम्वरको अटो रिक्सामा सवार भगवानपुरका २० वर्षिय रञ्जु कुमारी यादवको मृत्यु भएको हो ।
दुर्घटनामा परी घाइते भएकी यादवलाई उपचारको लागि लहान लाने क्रममा बाटोमै मृत्यु भएको जिल्ला प्रहरी कार्यालय सिरहाका सुचना अधिकारी डिएसपी शालिग्राम पौडेलले जानकारी दिए । सोही रिक्सामा सवार लक्ष्मीपुरपतारी ६ का ६५ वर्षिय मोहमद रहमान मिँया, ३० वर्षिय मोहमद अबदुलाह राइन, भगवानपुर गापा १ का ३० वर्षिय पुनम यादव घाइते भएका छन् ।
प्रहरीले स. १ ह. ३३२० नम्वरको अटो चालकलाई नियन्त्रणमा लिएको छ भने अर्का ओनटेस्ट अटोका चालक फरार रहेको जनाएको छ । घटनाको अनुसन्धान भईरहेको प्रहरीले बताए ।
