दुर्घटनामा चलचित्र सम्पादक अनिल गौतमको मृत्यु

काठमाडौं, २७ भदौ । नेपाली चलचित्रका सम्पादक अनिल गौतमको सवारी दुर्घटनामा परि मृत्यु भएको छ । शुक्रवार राती १०ः ५५ बजे बानेश्वरबाट कौसलटार निवास फर्कने क्रममा तीनकुनेस्थित मुन्नी भैरव नजिक उनी चढेको बा २९ प १४७९ नम्बरको मोटरसाइकललाई प्रदेश ३–०१–००३ क ४५६३ नम्बरको टिपरले ठक्कर दिदा उनको मृत्य भएको हो ।
दुर्घटनापछि बानेश्वरको सिभिल अस्पताल पुर्याइएको गौतमको उपचारको क्रममा मृत्यु भएको ट्राफिक प्रहरी महाशाखाले जनाएको छ । टिपर चालक प्रहरीको नियन्त्रणमा रहेका छन् ।
चलचित्र बिकाश कम्पनीलगायत बिभिन्न ठाउँमा रहेर थुप्रै नेपाली चलचित्रको सम्पादन गरेका गौतम पछिल्लो समय पाइम टेलिभिजनसँग आवद्ध रहेका थिए ।