फाईल फोटो।
सिरहा, २१ फागुन। आगामी चौत्र ७ गतेबाट हुन गईरहेको माध्यमिक शिक्षा परीक्षा (एसईई) २०८१ मा सिरहाबाट १० हजार सात सय तीन जना विद्यार्थी सहभागी हुने भएका छन्। जिल्लाका एक सय ८८ विद्यालयबाट उक्त विद्यार्थी परीक्षामा सहभागी हुन लागेका हुन्।
जसमध्येय ९५ सामुदायिक र ९३ वटा संस्थागत विद्यालयहरु परीक्षामा सामेल हुने शिक्षा विकास तथा समन्वय इकाई सिरहाले जानकारी दिएको छ।
परीक्षालाई व्यवस्थित, मर्यादित र परीक्षार्थीलाई सहुलियत हुनेगरी ४९ वटा परीक्षा केन्द्रहरु निर्धारण गरिएको ईकाई प्रमुख दिपक कलौनीले बताए। उनलेभने, ‘हामीले परीक्षार्थीको सहुलियत, परीक्षाको मर्यादीतहुने गरी परीक्षा केन्द्रहरु निर्धारण गरेका छौं। केही प्राविधिक कारणलेमात्र सार्वजनिक गर्न बाँकी छ। एक दुईदिनभित्रै सार्वजनिक भै हाल्छ।’
गत वर्ष ४३ वटा परीक्षा केन्द्र रहेकोमा यास वर्ष प्राविधिक घारकालागि छुटै एउटा परीक्षा केन्द्रसहित ६ वटा केन्द्रहरु थपीएको उनले जानकारी दिए।
सामुदायिक विद्यालयका एक प्रधानाध्यापकले केन्द्र निर्धारण भईसक्दा पनि सार्वजनिक नहुनुले आशंका उत्पन्न भएको बताए।
उनले भने, ‘नाम चलेका संस्थागत विद्यालय देखि नेतासम्मको प्रभाव र दवावका कारण केही केन्द्रहरु सारफेर गर्न समय लिएको हुन सक्छ। नत्र निर्धारण भईसकेको विषय सार्वजनिक नगर्नु पर्ने कुनै कारण नै छैन।’
चैत ७ बाट सुरुहुने परीक्षा १९ गतेसम्म चल्ने छ। परीक्षा विहान ८ बजेदेखि ११ बजेसम्म चल्ने छ।
