सिरहा, २१ फागुन। नेपाल पत्रकार महासंघ प्रादेशिक कार्यालय मधेश प्रदेशले प्रदेश सरकारका भौतिक पूर्वाधार विकास मन्त्री सरोज कुमार यादवको अभिव्यक्तिप्रति गम्भिर ध्यानाकषर्ण भएको जनाएको छ। मन्त्री यादवले पत्रकारिता क्षेत्रलाई नै बदनाम गर्ने अभिव्यक्ति दिएको भन्दै महासंघले विज्ञप्त जारी गरी ध्यानाकषर्ण भएको जनाएको हो।
कुनै व्यक्तिले पत्रकारीताको नाममा आचारसंहिता विपरीत कार्यगरेको रहेछ भने कानुनी उपचारमा जानुपर्नेमा मन्त्रीजस्तो व्यक्तिले पेशामाथि आच पुग्ने अभिव्यक्ति दिएको प्रति महासंघले विरोध जनाएको हो।
महांघका महासचिव शैलेन्द्र महतो क्रान्तिद्वारा जारी विज्ञप्तीमा ‘जनकपुरका आयोजित ललितकला प्रदर्शनी २०८१ को उद्घाटन समारोहमा मंगलबार नेकपा एमाले मधेश प्रदेश संसदीय दलका नेतासमेत रहेका मन्त्री यादवद्वारा पत्रकार बारे व्यक्त अभिव्यक्तिप्रति हाम्रो गम्भिर ध्यानाकर्षण भएको छ। समारोहमा पन्त्री यादवले केही पत्रकारहरुले फोनमार्फत विज्ञापन तथा योजना माग्ने, नदिए धम्क्याउने, विरोधमा समाचार प्रकाशन गर्ने जस्ता गतिविधि गरिरहेको अभिव्यक्ति दिनु भएको छ। कुनै व्यक्तिले पत्रकारिता पेशाको दुरुपयोग गर्दै आचारसंहिता विपरीत कार्य गरेको छ भने त्यसको प्रमाणसहित नामसार्वजनिक गरिनुपर्दछ।’
विज्ञप्तीमा ‘पत्रकारिता पोशाको नाम बदनाम गर्ने जो–कोहीप्रति कानुनी कार्वाहीको लागि महासंघ प्रतिबद्ध छ। तर आधार प्रमाणबिना सम्पूर्ण पत्रकारलाई शंकाको घेरामा पार्ने, पेशागत निष्ठा एवम् विश्वसनीयतामा प्रश्न उठाउने र पत्रकारिता क्षेत्रलाई नै बदनाम गर्ने कुनै पनि अभिव्यक्ति पहासंघलाई स्वीकार्य छैन।’
‘कुनै पत्रकारले मन्त्री यादवसँग यस्ता गतिविधि गरेको प्रमाण छन् भने सार्वजनिक गर्न अनुरोध गर्दै विज्ञप्तीमा अन्यथा मन्त्री यादवलाई आफ्नो गैर जिम्मेबार अभिव्यक्ति सच्याउन महासंघ आग्रह गर्दछ।’ भनिएको छ।
मन्त्रीको गैर जिम्मेवार अभिव्यक्तिको विरोध गर्दै विभिन्न पत्रकार संघ संगठनले विज्ञप्ती जारी गरेको छ।
मन्त्री यादवको अभिव्यक्ति विरुद्ध प्रेश सेन्टर, नेपाल धनुषा, प्रेस मञ्च, नेपाल मधेश प्रदेश समितिले विज्ञप्ती जारी गरेको छ।
