सिरहा, १ फागुन। सिरहाको गोलबजार नगरपालिका २ निपनियाँमा २ विगहा क्षेत्रफलमा लगाएको आँपको ४ वर्षिय विरुवा एकैरातमा भाँचेर नष्ट गरिदिएका छन्। गोलबजार नगरपालिका ४ का रामचन्द्र साहले २ विगहा जमिनमा लगाएकामध्ये ६५ थान आँपको विरुवा अज्ञात समूहले भाँचेर नष्ट गरेका हुन्।
नियमित बगैंचा रेखदेख गर्ने व्यक्ति विरामी परेकाले विहान घुम्दै खेतमा आईपुग्दा विरुवाहरु भाँचीएको अवस्थामा देखेको जग्गाधनी रामचन्द्र साहले बताए। फल्ने उमेर हुन थालेको विरुवा भाँचेर नष्टगरेकाले ठूलो नाक्सानी भएको साहले बताए।
चारै तिरबाट तारजालीले घेरबार गरेको बगैचाँमा व्यक्तिगत रिसीविका कारण कसैले भाँसेको हुन सक्ने वडा सदस्य वेचन साहले बताए। उनलेभने, ‘यो कुनै जड्याहाले भाँचेको होइन, व्यक्तिगत दुस्मनीका कारण भाँचेको हुन हो।’
ईलाका प्रहरी कार्यालय गालबजारका प्रमुख इन्सपेक्टर गोविन्द साहले आँपका मसिना रुखहरु कसले किन भाँचेको हो भन्ने जानकारी नभएको बताए। उनले प्रहरी घटनास्थलमा पुगेर घटनाको प्रकृति मुचुल्का लिने काम भएको बताए। साथै घटनाको प्रकृति मुचुल्का लिने कामसँगै अनुसन्धानको काम पनि भईरहेको बताए।