सिन्धुली, २५ माघ। सिन्धुलीमा यात्रुवाहक सवारी दुर्घटनामा परी चालकको मृत्यु भएको छ। बीपी राजमार्गको सिन्धुलीमाडी–खुर्कोट खण्ड अन्तर्गत गोलन्जोर गाउँपालिका ५ खनियाँ खर्क नजिक शुक्रबार बिहान बा. १–०३० च ९६४२ नम्वरको इभी दुर्घटनामापरी चालक २६ वर्षीय सुशान्त नेपालीको मृत्यु भएको हो। दुर्घटनामा ५ जना घाइते भएका छन्।
झापाबाट काठमाडौं जाँदै गरेको इभी दुर्घटनामा सख्त घाइते चालक नेपालीको उपचारकाक्रममा सिन्धुली अस्पतालमा मृत्यु भएको प्रहरीले जनाएको छ।
घाइते मध्ये २ जनाको अवस्था चिन्ताजनक रहेको प्रहरीले जनाएको छ। सडकबाट करिव चारसय मिटर तल खसेकाले उद्धारमा समेत कठिनाइ भएको सिन्धुलीका प्रहरी प्रमुख एसपी गोविन्दराज काफ्लेले जानकारी दिए। घाइते पाँचजनाको सिन्धुली अस्पतालमा उपचार भइरहेको छ। चालक निदाएकाले दुर्घटना भएको हुनसक्ने प्रहरीको प्रारम्भिक अनुमान रहेको छ।
