सुरेश राय
सिरहा, १५ पुस। नेपाल प्रिमियर लिग (एनपीएल) फस्ट सिजनका विजेता जनकपुर बोल्ट्सका खेलाडीलाई सोमबार सिरहामा भव्य स्वागत तथा अभिनन्दन गरिएका छन्। एनपीएल च्याम्पियन ट्रफीसहित सिरहा आइपुगेका खेलाडीहरूलाई सिरहा सदरममा ठूलो जनसहभागिताले सम्मान तथा अभिनन्दन गरेका हुन्।
सिरहा प्रवेशकै क्रममा कर्जन्हा नगरपालिकाले स्वागत तथा सम्मान गरेका थिए। सिरहाको सीमाक्षेत्रबाटै गाडीमा राखेर विजय जुलुस गर्दै सुरक्षाकर्मीको स्कटिङमा सिरहा सदरमुकाम ल्याइएकोे थियो। सिरहा सदरमुकामको नगरक्षेत्र परिक्रमा गराइएको थियो। सुरक्षाकर्मिहरु ठाउ–ठाँउमा खटिएका थिए। जनकपुर बोल्टस टिम सिरहाबाट आजै सप्तरिको लागि प्रस्थान गर्ने आयोजकले जनाएको छ।
पुस ६ गते त्रिवि क्रिकेट मैदानमा सुदूरपश्चिम रोयल्सलाई पाँच विकेटले हराउँदै जनकपुर बोल्ट्सले एनपीएलको फस्र्ट सिजन जितेका थिए।
स्वागत र सम्मानले आफूहरु एकदमै उत्साहित बनाएको ¥यालीमा सहभागी खेलाडीहरुले प्रतिक्रिया दिएका छन्। उनीहरुले थामिनसक्नु समर्थक भिडले निकै धेरै माया पाएको महसुस भएको छ। यसले नेपाली क्रिकेट र समग्र खेल क्षेत्रमा सकारात्मक ऊर्जा प्रवाह गरिरहेको महसुस भएको खेलाडीहरुको प्रतिक्रिया रहेको छ।
