सिरहा, १४ पुस। अख्तियार दुरुपयोग अनुसन्धान आयोगले नागार्जुन नगरपालिकाका मेयर मोहनबहादुर बस्नेतविरुद्ध भ्रष्टचारको अभियोगमा मुद्दा दायर गरेको छ। अख्तियारले आइतबार विज्ञप्ति जारी गर्दै पद्मा मर्चेन्ट कम्पनी प्रा.लि. र यसका संचालक÷अध्यक्ष राजुप्रसाद कंडेलबाट गैरकानूनी रुपमा जग्गा तथा रकम प्राप्त गरी उक्त जग्गा बिक्री समेत गरेको भन्दै उनीविरुद्ध मुद्दा दायर गरेको हो।
बस्नेतविरुद्ध भ्रष्टाचारमा ९ करोड र सम्पत्ति शुद्धीकरणको मुद्दामा १३ करोडको बिगो दावी गरिएको अख्तियारका प्रवक्ता नरहरी घिमिरेद्वारा जारी विज्ञप्तीमा उल्लेख गरिएको छ। आरोपपत्र दायरभएसँगै उनको पदसमेत निलम्वनमा परेको छ।
