सिरहा,१ पुस। गोलबजार खानेपानी तथा सरसफाई उपभोक्ता समितीको पुस ५ गते हुन गईरहेका अध्यक्ष पदका उम्मेदवार जिबछ साहले खानेपानीको समस्या समाधान आफ्नो प्यानलले मात्र गर्नसक्ने बताएका छ्न्। घरदैलो कार्यक्रमको क्रममा भेटिएका अध्यक्ष पदका उम्मेदवार साहले सञ्चारकर्मीसँग कुराकानी गर्दै आफ्नो प्यानलले यहाँको समस्या राम्रोसँग बुझेकाले समाधान गर्न सक्ने जिकिर गरेका हुन्।
आफ्नो प्यानलले शुद्ध खानेपानी अभावका कारण यहाँका उपभोक्ताले झेलिरहेको समस्यालाई राम्रोसंग नियालीरहेको बताउँदै अध्यक्ष पदका उम्मेदवार साहले भने, ‘खानेपानीको भौतिक संरचना लगायतको समस्यालाई हाम्रो प्यानलले मात्र सामाधान गर्न सक्छ। आफ्नो प्यानलमा यहाँका समस्या बुझेका र समाधान गर्नसक्ने इच्छाशक्ति भएका साथीहरु हुनुहुन्छ। हामी अहिलेको अवस्थालाई सुधार र विकास गर्न सक्षमछौं।’
साहले हाम्रो पहिलो योजना खानेपानिलाई ब्यवस्थित गर्ने, प्रत्यक उपभोक्ताको घर घरमा धारा पुर्याएर शुद्ध खानेपानीमा पहुँचवृद्धि गर्ने रहेको बताए।
उनले थपे, ‘विगतका समितीलाई जग्गा विवादका कारण काम गर्न समस्या भएको थियो, अब त्यो समस्या सामाधन भईसकेको छ। समितीले साधारण सभा गरेर नयाँ कार्यसमितीका लागि प्रक्रिया असघ बढाएको छ। निर्वाचन पछि हामिले जुन अवसर पाउँछौं, त्यो चाहिँ म लगायत मेरो प्यानलले निर्वाचन पछि पूरा गर्छौं।’
उनले समपूर्ण उपभोक्ता र यहाँका व्यवसायी, बुद्धिजीविहरुको साथ सहयोगले आफ्नो समूह निकै उत्साहित भएको बताए। उनले भने, ‘अहिले सम्म मुख्य तः उपभोक्ता, व्यवसायी, बुद्धिजीविहरुको साथ र सहयोगले आफ्नो टिम निकै उत्साहित भएका छौं। हामी जितको नजिक पुगिसकेका छौं।’
अहिले गोलबजार खानेपानी तथा सरसफाई उपभोक्ता समितीका ८ सय ६७ जना उपभोक्ता रहेका छन्। उनीहरुको घर घरका धारा सञ्चालन गर्ने र बाँकी उपभोक्ताका घरसम्म पानी पुर्याउन योजनाबद्ध रुपले काम गर्ने अध्यक्ष पदका उम्मेदवार साहले प्रतिबछा जनाए।
साहको प्यानललाई स्थानीय नेकपा (माओवादी केन्द्र)ले समर्थन गरेको छ।
