सिरहा, ४ असार। प्राविधिक तथा व्यवसायीक शिक्षा एवम् तालिम परिषद् (सीटीइभीटी) अन्तर्गत डिप्लोमा तहको परीक्षामा सहभागी परीक्षार्थी मर्कामा परेका छन्। सिरहाको गोलबजारस्थित रामप्रताप राप्रसाद तामङ्ग जनता बहुमुखि क्याम्पस केन्द्रमा सञ्चालित डिप्लोमाको परीक्षामा पशु विज्ञानका विद्यार्थीलाई कृषिको प्रश्नपत्रमा परीक्षा दिन लगाएपछि परीषार्थी विलगखबन्दमा परेका हुन्।
परीक्षार्थीहरुले परीक्षा सकेपछिमात्र आफूहरुसँग भएको प्रश्नपत्र राम्रोसँग हेर्दा कृषि विज्ञानको प्रश्नपत्र परेको थाहा पाएको बताए। उनीहरुले भने, ‘छोटो समय भएकाले हामी प्रश्नपत्र पाउना साथ लेख्ने ध्याउन्नमा लाग्यौं। बिच बिचमा असहज भईरहेको थियो। परीक्षा सकेर प्रश्नपत्र नियाल्दा हामी पशुका विद्यार्थीका हातमा कृषिका प्रश्नपत्र रहेछ। त्यसपछि हाम्रो होस हवास नै उड्यो।’
केन्द्रमा खटिएका शिक्षकहरुलाई देखाउँदा उनीहरुले पहिला किन नदेखाएको भन्दै हप्की दप्की गरे। पछि हाम्रो मान्छे माथि परीक्षा केन्द्रमा छ। सवै मिलिहाल्छ। तिमीहरुले चिन्ता लिनुपर्दैन, भन्दै घरजान भनेको परीक्षार्थीहरुले बताए।
केन्द्रा अध्यक्ष र परीक्षामा खटीएका सीटीइभीटीका प्रतिनिधीले आश्वासन दिएपछि परीक्षार्थी भने ढुक्क हुन सकेको छैन। उनीहरु एक वर्ष खेर जाने हो की भन्ने चिन्तामा छन्।
सरस्वती माध्यमिक विद्यालय गोलबजार ३ का प्राविधिक तर्फका संयोजक समेत रहेका डाक्टर ओम प्रकाश साहले परीक्षा सञ्चालकको लापर्वाहीले आफ्नो विद्यार्थीको भविष्यमाथि खेलवाड भएको बताए। उनले भने, ‘विषय नै फरक भएकाले कसरी कपी काटीन्छ? थाहा छैन। तर, यो उहाँहरुको ठूलो गल्ती हो।’
आज सम्पन्न परीक्षामा डिप्लोमा इन एनिमल साइन्सका विद्यालयर्थीलाई एग्रिकल्चर विषयको प्रश्नपत्र पर्न गएको परीक्षा केन्द्राध्यक्ष किशोर कुमार साहले बताए। उनले भुलबस पर्न गएको भएपनि त्यस विषयमा माथि छलफल भईरहेको बताए।
उनले भने, ‘खासमा हाम्रो जिम्मेवारी भनेको मर्यादित परीक्षा लिने र ठाउँ उपलब्ध गराउने हो। प्रश्नपत्र, उत्तरपुस्तीका ल्याउने लाने सवै सीटीइभीटीका प्रतिनधीहरुले गरिरहनु भएको छ। एउटै जस्तो लाग्ने विषय भएकाले भुलवस प्रश्नपत्र तलमाथि परेको रहेछ। हामीले माथि कुरा गरिरहेका छौं। विद्यार्थीलाई मर्का पर्दैन।’
कृषि तर्फमा परीक्षार्थीको प्रश्न पत्र कम भएपछि उनीहरुलाई फोटो कपी गरेर दिएको थियो। फोटो कपी गर्दा लागेको समय थप गरेर परीक्षा लिएको जनाएको छ।
यता सीटीइभीटीका प्रतिनिधीका रुपमा आएका वाहिय्य सुरिवेक्षक भोला राय यादव र सुजित रायले भने माथि कुरा भईसकेको छ। हामी मुचुल्का उठाएर पठाउँदै छौं। सवैथोक उत्तैबाट हुने भन्दै थप प्रतिकृया दिन चाहेनन्।
हामीले एउटाको प्रश्नपत्र अर्कै विद्यार्थीकोमा कसरी गयो? भन्ने प्रश्नमा सीटीइभीटीका प्रतिनिधी दुवैजनाले हामीले माथि मिलाई सकेका छौं, अव केही गर्नु पर्दैन भन्दै थप प्रतिकृया दिन चाहेनन्। उनीहरुले हामी यहाँबाट मुचुल्का उठाएर पठाउँदै छौं, सवै ठिक भईहाल्छ भन्ने प्रतिकृया दिए।
जिल्लाको जनता माध्यमिका विद्यालय, धनगढीमाई ५ तीनकोनी, जय गोविन्द साह टेक्निकल इन्सिच्युट गोलबजार, सरस्ती माध्यमिक विद्यालय गोलबजार ३ सहित ४ वटा विद्यालयको यस परीक्षा केन्द्रमा परीक्षा भईरहेको छ।
