सिरहा, २३ बैशाख। डिभिजन वन कार्यालय सिरहाले मिर्चैयाबाट सखुवा प्रजातीको विभिन्न नापसाइजको १२ थान चिरानसहित ६ थान साइकल बरामद गरेको छ।
विशेष सूचनाका आधारमा सब डिभिजन वन कार्यालय, चोहर्वाको टोलिले मिर्चैया नगरपालिका ९ पुलिसपट्टाबाट उक्त परिमाणको काठ र साइकल बरामद गरेको हो।
वन अधिकृत मनोज कुमार कर्ण नेतृत्वमा पुगेको टोलिले काठसहित साइकल बरामद गरेको डिभिजन बन कार्यालय लहानले जनाएको छ। कार्यालयका अनुसार वन कर्मचारी आएको सुईंको पाएपछि तस्करहरु काठ र साइकल छोडेर भागेको हुन सक्ने वन कार्यालयको भनाई रहेको छ।
काठ र साइकल डिभिजन वन कार्यालय लहान सिरहामा राखेर थप अनुसन्धान गरिरहेको जनाएको छ।
काठ तक्सरहरुले यसरी ल्याएको काठ मिर्चैया, गोलबजारक्षेत्रका काठमिलहरुमा विक्रिगर्ने गरेको बताइन्छ।
