बर्दीबास, १५ बैशाख। महोत्तरीमा मोटरसाइकल दुर्घटनामा परी एक महिलाको मृत्यु भएको छ। अर्का एक जना गम्भिर भने घाईते भएका छन्। पूर्व–पश्चिम राजमार्ग अन्तर्गत बर्दीबास ५ स्थित टुटेश्वर जंगलमा प्रदेश २–०३–००७ प ३३६९ मोटरसाइकल दुर्घटना हुँदा चालक सर्लाहीको बागमती ४ कि २२ वर्षीया स्मृति कार्कीको मृत्यु भएको हो।
प्रहरीकाअनुसार चिउँडो, टाउको लगायत शरीरका विभिन्न भागमा चोट लागेको उनलाई तत्काल बर्दीबासस्थित एक स्वास्थ्यसंस्थामा भर्ना गरिएको थियो।
अवस्था गम्भीर भएपछि थप उपचारका लागि जनकपुर लैजाँदा चिकित्सकले मृत घोषणा गरेका थिए। सोही दुर्घटनामा टाउकोमा चोट लागि गम्भीर घाइते भएकी ५० वर्षीया उषा कार्कीको शुभ स्वस्तिक असपतालमा प्राथमिक उपचारपछि थप काठमाडौं लगिएको छ।
बर्दीबासस्थित इलाका प्रहरी कार्यालयका प्रमुख डिएसपी रेवतीरमण पोखरेलकाअनुसार पूर्वबाट पश्चिमतर्फ जाँदैगरेको मोटरसाइकलको पछाडि चक्कामा उषा कार्कीको सल बेरिदा दुर्घटना भएको हो ।
