सिरहा, १४ बैशाख। अख्तियार दुरुपयोग अनुसन्धान आयोगले महोत्तरीको एकडारा गाउँपालिकाका उपाध्यक्ष महजबी खातुन, तत्कालीन प्रमुख प्रशासकीय अधिकृत सरोज कुमार सिंहसहित ६ जनाविरुद्ध भ्रष्टाचार गरेको आरोपमा मुद्धा दायर गरेको छ।
अख्तियारले एकडारा गाउँपालिका तत्कालीन प्रमुख प्रशासकीय अधिकृत सरोज कुमार सिंह, इन्जिनियर सुभाष पाण्डेय, योजना शाखा प्रमुख महेन्द्र कुमार मण्डल र असिस्टेन्ट सव–इन्जिनियर संजय कुमार मंडलले गुणस्तरहिन सडक बनाएर ८ लाख ६५ हजार १४५ भुक्तानी गरेको आरोपमा मुद्धा दायर गरेको हो।
उपप्रमु खातुनले स्थलतगत अनुगमन गरी लागत अनुमान बमोजिम कार्य सम्पन्न भईसकेको भनी गलत प्रतिवेदन दिएको र सोही प्रतिवेदनको आधारमा भुक्तानीसमेत दिएकोले भ्रष्टाचार निवारण ऐन, २०५९ को दफा १९ को उपदफा (२) बमोजिम कसुरमा मुद्दा दायर गरेको अख्तियारले जारी गरेको विज्ञप्तीमा उल्लेख गरिएको छ।
साथै अख्तियारले जानकी कन्सट्रक्शन, मनरा शिसवा न।पा।(५ महोत्तरीका प्रोपराइटर राकेश कुमार रायलाई पनि प्रतिवादी बनाएको छ।
