गोलबजार नगरपालिकाको बदनाम हुनेगरी समाचार सम्प्रेशण गरेको भन्दै खेद प्रकट

सिरहा, ९ चैत। गोलबजार नगरपालिकाले विभिन्न सञ्चार माध्यमले नगरको शाख गिर्नेगरी समाचार सम्प्रेशण गरेको भन्दै खेद प्रकट गरेको छ।

गोलबजार नगरपालिकाका वडा अध्यक्षहरुले शुक्रवार प्रेस विज्ञप्ती जारी गर्दै नगरले नगरसभा र कार्यपालिकाको निर्णय, प्रचलित संघिय, प्रदेश र स्थानीय कानुन बमोजिम नगरबासीको अपेक्षा, चाहाना र हित हुनेगरी काम गर्दै आए पनि पालिकालाई नै बदनाम गर्ने सुनियोजित ढङ्गले समाचार समप्रेषण गरेको भन्दै प्रेस विज्ञप्तीमार्फत खेद प्रकट गरेको हो।

वडा नम्वर ३ का वडाअध्यक्ष धनप्रसाद लामा, ५ का बलकृष्ण गौतम, ६ का वडा अध्यक्ष तथा नगर प्रबक्ता संजित लामा, ८ का देव नारायण महतो, ११ का सोहेव अनवर र १२ का गणेश मुखियाद्वारा संयुक्त रुपमा हस्ताक्षरित विज्ञप्तीमा भ्रामक समाचार सम्प्रेशण गरेको प्रति खेद प्रकट गरेको छ।

विज्ञप्तीमा लेखिएको छ, ‘आम नागरिकबाट स–सम्मान निर्वाचित जनप्रतिनिधी एवम् राष्ट्रसेवक कर्मचारीहरुको मानमर्दन हुनेगरी हुँदै नभएका विषयहरु पत्रिकाहरु प्रकाशित भएको र यस्ता भ्रामक, तथ्यहिन एवम् झूठा विषयहरुमा आम नारवासीहरु विश्वस्त नहुन अनुरोध गर्दछौं।’

विज्ञप्तीमा कुन–कुन समाचार झूठो र भ्रमपूर्ण हो भन्ने खुलाइउको छैन भने त्यसको सत्यतथ्य उल्लेख गरिएको छैन।