वीरगञ्ज, २२ फागुन। पर्सा प्रहरीले प्रतिवन्धित लागु पदार्थ ब्राउन सुगरसहित दुईजनाई नियन्त्तणमा लिएको छ।
वीरगंज महानगरपालिका १६ रजत जयन्ती चोकबाट अवैध लागूऔषध ब्राउन सुगर १२ ग्राम २ सय ४० मिलिग्रामसहित रौतहट गुजरा नगरपालिका ३ कटानीका ३२ वर्षीय भिम बहादुर वाईवा र २५ वर्षीय मिलन तामाङ्गलाई पक्राउ गरेका हुन्।
प्रहरी चौकी ईनर्वाबाट खटिएको प्रहरीले भारत रक्सौलबाट वीरगंजतर्फ आउँदै गरेका प्र.२–०३–००८ प १४३४ नम्बरको स्कुटर जाँच गर्ने क्रममा उनीहरुको साथबाट ब्राउनसुगर बरामद भएको प्रहरीले जनाएको छ।
यसैगरी, वीरगंज महानगरपालिका १६ शंकराचार्य गेटस्थित बाटोबाट नियन्त्रित लागूऔषध फेनारगन ४५ एम्पुल, नुर्फिन ४५ एम्पुल र डाईजेपाम ४५ एम्पुलसहित २ जनालाई सोमबार राति प्रहरीले पक्राउ गरेको छ।
पक्राउ पर्नेहरूमा ओखलढुङ्गा घर भई मकवानपुर हेटौंडा उपमहानगरपालिका ४ बस्ने ३२ वर्षीय गणेश घिमिरे र बकैया गाउँपालिका ४ जुरेली टोलका ३५ वर्षीय बिकाश भोलन रहेका छन्। प्रहरी चौकी ईनारुवाबाट खटिएको प्रहरीले उनीहरूलाई उक्त लागूऔषधसहित पक्राउ गरेको हो।
पक्राउ परेकाहरु उपर प्रहरीले आवश्यक अनुसन्धान गरिरहेको छ।
