सर्लाही, ९ फागुन। सर्लाहीको बरहथवा नगरपालिका १५, प्रिपाभित्तास्थित बागमती नहरमा बुधबार ट्याक्टर खस्दा दुई जनाको मृत्यु भएको छ। दुर्घटनामा ७ जना घाइते भएका छन्।
रोतहटको गढिमाई नगरपालिका मलाहीबाट आलु खन्न सर्लाहीको हजरिया आउँदै गरेको ट्याक्टर पल्टिएर चालक रौतहट गढिमाई ९ का ५५ वर्षीय जयलाल सहनी र ५० वर्षीय रामनाथ सहनी मृत्यु भएको हो।
ट्याक्टर हुँदा गम्भीर घाइते भएका मध्येय १७ वर्षीय आकाश सहनी र ७ वर्षीय किसन सहनीलाई प्राथमिक उपचारपश्चात थप उपचारको लागि वीरगञ्ज रिफर गरिएको इलाका प्रहरी कार्यालय बरहथवाले जनाएको छ।
बाँकीको प्रादेशिक अस्पताल गौरमा उपचार भइरहेको छ। ट्याक्टमा १७ जना सवार रहेका थिए। मोटरसाइकललाई साइडदिने क्रममा ट्याक्टर नहरमा खसेको बताइएको छ।
